På Brekkhus ligg
grendahuset vårt ’Fjelltun’ som dei siste åra har vore gjennom ei
stor ombygging og
modernisering.
Den nye delen av huset har tre etasjar, garderobe
og lagerrom nede, hall,
to toalett og
møterom i første etasje samt aktivitetsrom i andre etasje.
I underetasjen er
der moderne kjøkken og ’matsal’ som rommar omlag 80
personar.
Oppe er der i tillegg til nybygget festsal og
scene, som der skal vera i eit
ærverdig ungdomshus.
Ynskjer ein å
leiga huset til arrangement, ta kontakt undomslaget.
Foto: S. Lien
Huset vart sett opp av ungdomslaget i
1938, i det ytre stod bygningen stort sett
uendra fram til ombygginga i 2002/2003.
Før den tid var underetasjen modernisert
med kjøkken og matsal.
Foto: S. Lien
Inngangspartiog garderobe
Foto: S. Lien
Salen og scenen oppe..
Foto: S. Lien
Salen nede dekka til fest..
Foto: S. Lien
Kjøkkenet nede er fullt utrusta med
oppvaskemaskin og det som trengst..
Foto: S.Lien
Ungdomshuset før ombygginga..
Slik såg huset ut før. Som ein ser var
inngangspartiet heller lite og
der mangla garderobe
og toalett. Den
siste funksjonen vart ivareteken av den
gamle utedoen, eit praktstykke av ein
tosetar som no er blitt pensjonist.
I tillegg til at huset vert nytta til alle
aktivitetane i ungdomslaget fungerar det
også som møtelokale
for ymse andre lag og organisasjonar i bygda. Huset
vert også leigd ut
til private eller andre som har bruk for
eit festlokale.
Kontakt leiaren eller den som er ansvarleg
for huset om eventuell leiga.
Ved ungdomshuset ligg der også ballbane for
dei som ynskjer å driva med
slike aktivitetar. Ballbanen vart bygd av ungdomslaget i
1999 / 2000.
Foto: S.Lien
Her er det 17. mai og Evanger Musikklag spelar kjende tonar på
ballbanen
ved ungdomshuset.